19 گونج از سمیرا حمید
بعض اوقات سمیرا حمید کی تحریروں کی تعریف کے لیے الفاظ واقعی کم پڑ جاتے ہیں۔ سمجھ نہیں آتا کہ کس انداز سے ان کی تعریف کی جائے جو ان کا حق ہے۔ ان کا ہر ناولیٹ اپنے اندر کوئی نہ کوئی اہم سبق سموئے ہوتا ہے۔ شاید ہی ان کی کوئی ایسی تحریر ہو جس میں کوئی سنجیدہ پہلو زیرِ بحث نہ آیا ہو یا جو قاری کو سوچنے پر مجبور نہ کرتی ہو
Goonj Novel pdf books free download in urdu by Sumaira Hameed is a Social Issues Based | Digest Novel Based | Urdu Social Romantic Novel Published in Khawateen Digest February 2026 PDF download.
گونج از سمیرا حمید
تبصرہ نگار: اقراء عنایت
خواتین ڈائجسٹ فروری ۲۰۲۶
بعض اوقات سمیرا حمید کی تحریروں کی تعریف کے لیے الفاظ واقعی کم پڑ جاتے ہیں۔ سمجھ نہیں آتا کہ کس انداز سے ان کی تعریف کی جائے جو ان کا حق ہے۔ ان کا ہر ناولیٹ اپنے اندر کوئی نہ کوئی اہم سبق سموئے ہوتا ہے۔ شاید ہی ان کی کوئی ایسی تحریر ہو جس میں کوئی سنجیدہ پہلو زیرِ بحث نہ آیا ہو یا جو قاری کو سوچنے پر مجبور نہ کرتی ہو
“گونج”بھی ان کی ایسی ہی فکر انگیز اور اثر انگیز تحریر ہے جو انسان کو اپنے اردگرد کے معاشرے کا گہرائی سے جائزہ لینے پر آمادہ کرتی ہے۔
اس کہانی کی مرکزی کردار عینی ایک طلاق یافتہ بہن ہے۔ اس کا دکھ صرف طلاق کا دکھ نہیں بلکہ اپنوں کی بے رُخی کا دکھ بھی ہے۔ بھائی اور باپ کے گھر میں اس کے لیے نہ کوئی مستقل کمرہ ہے، نہ سکون کی جگہ، اور نہ ہی تین وقت کی روٹی کا یقین۔ یہ سوال ذہن میں ابھرتا ہے کہ آخر کیوں طلاق یافتہ اور بیوہ بہنوں کے لیے بھائیوں کے گھروں کی چھتیں تنگ پڑ جاتی ہیں؟ کیوں وہی فکر اور احساس انہیں حاصل نہیں ہوتا جو اپنی بیوی اور بیٹیوں کے لیے ہوتا ہے؟ کیا صرف یہ کہہ دینا کہ “ہمیں بہن پیاری ہے” واقعی حق ادا کر دیتا ہے؟
عینی کا کردار صبر کا حقیقی مفہوم سمجھاتا ہے۔ وقت چاہے کتنا ہی سخت کیوں نہ ہو، حالات ہمیشہ ایک جیسے نہیں رہتے۔ عینی نے اپنے برے حالات کا مقابلہ نہ لڑائی سے کیا، نہ جھگڑے سے اور نہ زبان درازی سے، بلکہ صبر سے۔ اور صبر واقعی ایسا ہتھیار ہے جو خاموشی سے انسان کو وہ عطا کر دیتا ہے جس کا تصور بھی ممکن نہیں ہوتا۔ یہ کہانی ہمیں یقین دلاتی ہے کہ ناانصافی ہمیشہ قائم نہیں رہتی۔
کہانی کا ایک اور قابلِ غور پہلو ماؤں کا رویہ ہے۔ ماں کی سوچ، اندازِ گفتگو اور طرزِ عمل بیٹیوں کی شخصیت پر گہرا اثر ڈالتے ہیں۔ ہمارے معاشرے میں نہ جانے کتنی مائیں دوسروں کی اولاد سے حسد اور اندھی نفرت میں دراصل اپنی ہی اولاد کی تربیت کو متاثر کر دیتی ہیں۔ نتیجتاً جو برا دوسروں کے لیے سوچا جاتا ہے، وہی اپنی زندگی کا حصہ بن جاتا ہے۔
“گونج” میں بے شمار ایسے نکات ہیں جو قاری کو رک کر سوچنے پر مجبور کرتے ہیں۔ عینی جیسے کردار ہمارے اردگرد موجود ہوتے ہیں، لیکن افسوس کہ ہم اکثر ان کے لیے ہمدردی کے سوا کچھ نہیں کر پاتے۔ یہ کہانی صرف ایک عورت کی داستان نہیں بلکہ ہمارے معاشرے کا آئینہ ہے۔
Sumaira Hameed is a Urdu Digest Writer She has written various urdu digest Novels. Readers can find all Urdu Romantic Novels PDF, best urdu romantic novels pdf, Sumaira Hameed novels list, Sumaira Hameed novels, urdu books pdf, pdf books free download in urdu, novels by Sumaira Hameed , Romantic novels in urdu free download pdf , urdu novels pdf download, famous urdu novels pdf download with Digest Kahani.
CLICK BELOW FOR DOWNLOADING LINK& ONLINE READING
